كتب / مصطفى محمود _ أسيوط
Mustafa Mahmoud
مارك أعلن منذ قليل عن عملة فيس بوك الرقمية الجديدة “ليبرا Libra”
مارك يقول باختصار انه يريد تحويل التعامل بالفلوس اونلاين لشئ سهل في متناول الجميع، بمعنى زي مابترسل لحد على الماسنجر ويراسلك والرسائل بتوصل في نفس اللحظة، يريد تطبيق نفس الموضوع على الفلوس..
دلوقتي ارسال واستقبال الفلوس من والى اي شخص حول العالم مش بالسهولة دي لأن كله معتمد على الكاش او الحسابات البنكية، لكن هيتغير كل ده بعملة Libra الجديدة، واللي هتخلي اي حد معاه سمارت فون وانترنت يبعت ويستقبل فلوس زي ماهو عاوز متمثلة في عملة ليبرا الرقمية.
مارك قال ان هيكون في تطبيقات وخدمات كتير جدا جاية بتعتمد على ليبرا في ارسال واستقبال الفلوس، وبدأها هو بخدمة اسمها Calibra هتكون متاحة على فيس بوك وماسنجر وواتس اب السنة الجاية واللي هتقدر تستقبل وتبعت وتحفظ فيها فلوس زي مانت عاوز .. حاجة زي محفظة ذكية Smart Wallet كده.
من الآخر فيس بوك عمل Global Currency أو عملة عالمية اللي هي “ليبرا” وعاوز يخليها العملة الرسمية للعالم كله اونلاين.
زي مافي كده اليورو بتتعامل بيه في كل دول اوروبا، عاوز يكون في ليبرا تتعامل بيها في كل دول العالم اونلاين..
شايف الخطوة دي هيكون تأثرها ايه على عالم الاونلاين وهل هينجح مارك في كده ولا لا؟
Source: Mark Zuckerberg & Creatova
