كيفية تحرير محضر بمباحث الإنترنت فى مصر، لمواجهة الإبتزاز الالكتروني أو السب والقذف عن طريق مواقع التواصل أو برامج المحادثات:
كيفية تحرير محضر بمباحث الإنترنت فى مصر، لمواجهة الإبتزاز الالكتروني أو السب والقذف عن طريق مواقع التواصل أو برامج المحادثات:
١- ناخد سكرين شوت ( لقطة شاشة) للمحادثة المُراد الابلاغ عنها، مع اللينك ( الرابط ) الخاص بحساب الشخص المُراد الابلاغ عنه، ويتم طباعتها علي ورق، وان كانت ع الواتساب يبقي تصوير رقم التليفون مع الرسائل.
٢- ناخد معانا أصل الرقم القومي + صورة منها.
٣- نتوجه لمقر مباحث الانترنت التابع لمحافظتنا.
٤- الناس هناك متعاونين جداً ونشيطين جداً وشايفين شغلهم كويس جداً والمعاملة لطيفة وفي منتهى الذوق، علشان ناس كتير بتتخوف من المعاملة السيئة أو الأحكام الاخلاقية.
٥- مش بيفرق خالص هل الحاجات اللي بيتم ابتزاز الضحية بيها مبعوتة بشكل رضائي، والا تم التحصل عليها بأي صورة، المهم انه بيتم التهديد بنشرها وابتزاز الضحية وهي دي الجريمة.
٦- بالنسبة للسن علشان الناس بتسأل كتير عن ازاي أعمل المحضر من غير ما أهلي يعرفوا، من سن ١٨ سنة يمكن للشخص تحرير محضر ضد أي شخص بمفرده، لكنه لا يملك التصالح والتنازل عنه بمفرده ولابد من وجود الأب او من ينوب عنه في حالة وفاته وقت التصالح، من سن ٢١ سنة يقدر الشخص يحرر محاضر ويتنازل عنها بنفسه دون حاجة لأهله، بالإضافة إلى أن الشرطة لا تتصل بالأهالي لما أولادهم يعملو محاضر ، وإن كنت أنصح بمصارحة الأهل والاحتماء بهم والحصول على دعمهم ومساندتهم.
٧ : الموضوع سري والشرطة لا تنشر بيانات محرري المحاضر ولا بتذيعها ولا بتعرف حد.
٨ : بلاش خوف وتوتر لأن المجرم بيتغذي علي خوف الضحية وتوترها فلابد من التماسك والمواجهة ، واياكم ثم إياكم من الاستسلام والاستجابة لطلبات ورغبات المُبتز، لانكم كده هتدولو حاجات جديدة يبتزكم بيها وهيسيطر عليكم تماماً ومش هيسيبكم في حالكم.
عناوين مقار أفرع مباحث الإنترنت في مصر :
١ : الإدارة العامة وفرع القاهرة الكبرى للقاهرة – الجيزة – القليوبية.
مبنى أكاديميه الشرطة بالعباسية
٢ : فرع القناة وشمال وجنوب سيناء لمحافظات بورسعيد – السويس – الاسماعليه – جنوب سيناء – شمال سيناء.
مديرية أمن بورسعيد، شارع غاندى، بور فؤاد
٣ : فرع شرق الدلتا لمحافظات الدقهلية – الشرقية – دمياط.
مديرية أمن الدقهلية، شارع الجمهورية، المنصورة
٤ : فرع غرب الدلتا لمحافظات الاسكندرية – البحيرة – مرسى مطروح.
مديرية أمن الاسكندرية، عزبة سعد، سيدى جابر
٥ : فرع وسط الدلتا لمحافظات الغربية – المنوفية – كفر الشيخ.
المجمع الشرطى بشارع سبرباى، طنطا
٦ : فرع وسط الصعيد لمحافظات أسيوط – سوهاج – الوادى الجديد.
مديرية أمن أسيوط، شارع الهلالي، الحمراء الأولى.
٧ : فرع جنوب الصعيد لمحافظات قنا – الأقصر – اسوان – البحر الاحمر.
مديرية أمن قنا، شارع هريدى، قنا
شير وعرف غيرك ومتخليش حد يكون عرضه للابتزاز الالكتروني
