احدث الاخبارفنون و ترفيه
ياسمين رئيس : أنا ست بيت وأم وبعدين ممثلة .. والرجالة بتصعب
متابعة/رضوى سمير
قالت الفنانة ياسمين رئيس إنها تتعامل مع التمثيل أنه «هواية» بينما تبقى مهنتها الأساسية هي أن تكون زوجة وأما.
وتابعت خلال لقائها مع الإعلامي عمرو أديب في برنامج «الحكاية» على قناة «MBC مصر»: «دايما بقول أنا مش عايزة أحس إن مهنتي ممثلة، عايزة أحس إن أنا بمارس هوايتي، ودايما بقول لهم يا جماعة أنا ست بيت وبعدين ممثلة، مهنتي الأصلية ست بيت وأم».
وأضافت: «شخصيتي مكانتش كده الأول، وبحس كل فترة الواحد تفكيره بيتغير، بحس كل خمس سنين مثلا بتغير وتفكيري بيتغير».
كما تحدثت ياسمين رئيس عن زوجها المخرج هادي الباجوري وردا على سؤال الإعلامي عمرو أديب وهو «جوزك بياخد باله لما تغيري لون شعرك»، قالت :«طبعا بياخد باله، دا جوزي أكتر حد بياخد باله، ده شغله كله مع ستات وذوقه حلو جدا جدا في كل حاجة».
وأضافت ياسمين رئيس: «الست أصعب من الراجل، الراجل بسيط ومن ساعة ما جبت ولد بقت تصعب عليا الرجالة».
يذكر أن آخر أعمال الفنانة ياسمين رئيس، فيلم «قمر 14»، وكان ضمن فعاليات مهرجان الجونة السينمائي الدولي بدورته الـ5، ويشاركها البطولة خالد النبوى وأحمد الفيشاوى وشيرين رضا.
