احدث الاخباراخبار مصرسياسة
«عايزك تهدي اللعب شوية».. محادثة جديدة بين «اللواء فاروق» و«ميرفت» في تسريب عبدالله الشريف
متابعة/رضوى سمير
بثت قناة «إكسترا نيوز» محادثات صوتية جديدة لشبكة النصب المتعاونة مع الإخواني الهارب عبدالله الشريف تفضح زيف ما يدعون من تسريبات مفبركة؛ بهدف تشويه مؤسسات الدولة، والتي جاء أطرافها اللواء فاروق القاضي المستشار المزيف لرئاسة الجمهورية والذي تبين أنه يُدعى حنفي الرازق والذي تبين أنه «نصاب» ومطلوب على ذمة 22 قضية نصب وقتل خطأ والتنقيب عن الآثار، وميرفت محمد على مستشارة مزيفة وآخر سمسار يدعى وائل .
وجاء نص التسريب كالتالي :
– اللواء فاروق: إنتي طلعتي تربية سكاشن ومحاضرات.
– ميرفت: بتقول إيه يافندم.. مش فاهمة.
– اللواء فاروق: إنتي دخلتي على الحلقة المذاعة وشفتي دخل على مين وخرب في مين، والتعليقات على المكالمة كانت إزاي.
– ميرفت: أنا مشفتش كل الحلقة أنا شفت جزء من الكلام معجبنيش، مكملتش الحلقة ولا حللت ولا شفت الكومنتات اللي في حلقة.. دي كل الحكاية.
– اللواء فاروق: أنا أول ما وصلني الفاكس قولت أعرفك إنك تكلميني على الواتس مش تليفون على ما تهدي الأمر وعايزك تهدي اللعب شوية.
– ميرفت: أنا أساسا والله العظيم أنا مش بشتغل في أي حاجة غير شغلي بتاع مكتبي، وفعلا موضوع المقاولات ده أنا اشتغلت فيه فترة لقيته كله كذب ومش مظبوط شيلت إيدي منه.. لقيت الوضع مش كويس
– اللواء فاروق: لا الموضوع اللي أنا كنت داخل فيه بتاع الكام مشروع بتاع المقاولات وفيه ناس كانت جايبة ورق مزور من الشركات مندورش على الحاجات ليه بتدور على الناس اللي بتفضفض بكلمتين .
– ميرفت: طب انت مغير اسمك.. كنت محمود وبقيت فاروق القاضي طب قولي أغير اسمي.
– اللواء فاروق: يا ماما الشغل ده.. طب أقولك على حاجة لما بتكتبي بياناتك على الفيس لازم تكتبي بياناتك الحقيقية أو البيانات كاملة.. يا ماما بيقولك قبل ما تحاذر حاسب.. يعني مثلاً واحد بيقولك أنا فلان الفلاني وعيلتي فلانة.. هو خد مانشيت بالكلام واشتغل عليه.. إنتي ماخدتيش بالك إنه أخد الكلام وجمعه اللي إحنا قولناه في المكالمة.
– ميرفت: الكلام بيقول إيه؟
اللواء فاروق: يا ماما هو عاد المكالمة كلها واخد ولو فيه مكالمات تانية، هلم كل اللي في الشارع واتحبس معاهم.. لو عنده حاجة غير المكالمة بتاعتنا كان بتوع النحاس اللي ضربونا الضربة دي اللي هما «حازم وعصام والدكتور حنا والدكتور بطرس والدكتور زعبلة» طب ما يروح يجيب الراجل إللى يجيب ناس إللى بتقعد على القهاوي ويقول أنا مستشار حاكم عسكري ورئيس الجمهورية نزلي طائرة ودبابة.. لكن ميعرفش.
ـ ميرفت: ده اللي هو حسين الجبالي.
ـ اللواء فاروق: مش قاعد هو يكلم نفسه بالخمر.. أنتي ربنا يحميكي.
– ميرفت: يالا ربنا موجود.
– اللواء فاروق: يالا نامي بقي.. المهم ما بشتغلش في حاجة إلا العقود.. يعني ممكن حد يجيلك يقولك اكتبلي «عقد عرفي».
ـ ميرفت: ماهي دي الحقيقة أنا مش بشتغل إلا في العقود ولا بتعامل في الهيئة ولا ليا علاقة بحد هناك .
ـ اللواء فاروق: طب ممكن أسالك سؤال أنا بتعامل مع بتوع الهيئة .
ـ ميرفت: لا أنا شايفاك بتكلم ناس والناس دي اللي بتتعامل وتروح.
ـ اللواء فاروق: أنا بكلم واحد زيي زيه بيجيب لي الملفات وأنا أروح أوديها ولسه مكتبناش ولا عقد.
ـ ميرفت: أنت لسه مكلمني من أسبوع مكتبناش ولا عقد.. إحنا لحقنا وأنا بس كتبت العقد .
-اللواء فاروق: خليه يتكلم عن اللواء فاروق القاضي خليها تطبل على دماغ أمه.
– ميرفت: هو فيه أصلاً حد اسمه اللواء فاروق القاضي ..لكن فيه ميرفت محمد على.
ـ اللواء فاروق: بلاش تقوليه دي نصيحة لوجه الله.
