متابعة/ روناء علي
وصفت المطربة التونسية غالية بنعلي الطلبات التي تتلقاها من المشرفين على سوق الأغاني لتقصير قصائدها المغناة بالتدمير لحكايتها.
أوضحت غالية بنعلي أنها كانت منزعجة جدا عندما كتبت على صفحتها في موقع التواصل الاجتماعي كلاما فهم منه البعض أنها قررت الاعتزال، وتحدثت عن صعوبات تواجهها في تنفيذ رؤيتها لألبومها الغنائي المصري.
وفي حوارها مع الإعلامي يوسف الحسيني في برنامج “التاسعة” المذاع عبر القناة الأولى المصرية، قالت غالية بنعلي: “ده تدمير للحكاية اللي أنا عايزة أقولها. الحكاية اللي عايزة أقولها خرافة زي خرافات الجدات زمان، لما كنا نقعد مع الجدة وفي نار وشاي وناس ملمومة ومفيش تليفزيون، أنا من الجيل ده وعشت الحاجات دي.”
وأضافت: “أنا مش فاهمة، أنا ما دخلتش الغنا عشان ألبي دعوات. موضوعي ابتدى بقصائد طويلة على مدى 30 سنة وتجربة لسه مخلصتش. لسه بدور وبحاول أفهم، وبقول أنا مقصرة في الاكتشاف، مع إن تجاربي متعددة كل يوم وفي كل مكان.”
وتابعت: “ليه في بلجيكا أديهم حاجات عربية فصحى صح، والمقام العربي نازل صح، مع مزيكا باخ وموتسارت، هما يلعبوا حاجتهم وأنا ألعب حاجاتي، ومغيرش فاصلة في الحاجات بتاعتي. بيطلبوا مني أبسط عشان الفصحى. في ناس مش بتفهم عربية فصحى ومنهم خالتي وأمي، بيفهموا طشاش، بس بيسمعوا ويتمزجوا.”
يذكر أن غالية بنعلي نشرت قبل أيام صورة عبر صفحتها بموقع التواصل الاجتماعي Facebook وكتبت في التعليق: “قررت الاعتزال والتخلي عن الأغنيات وقررت الاهتمام بحكايات الشعراء والقصائد.. عمري ما واكبت العصر وعمري ما فهمت طرق التسويق.. طلب صغير: ممكن ذكر بيت من الأبيات التي احببتها في أغاني؟”
ونفت غالية بنعلي بعدها اعتزالها ببوست آخر على صفحتها وقالت إن الغناء بالنسبة لها مثل النفس والصلاة.
لا يفوتك: نجوم على أبواب الطبيب النفسي .. فنانة حاولت الانتحار وأخرى اعترفت: أنا ملوثة
