ديني أهم»..مصطفى درويش يكشف سبب اعتذاره عن فيلم «الملحد» لإبراهيم عيسى
متابعة/رضوى سمير
نشر الفنان مصطفى درويش، عبر حسابه الرسمي بموقع التواصل الاجتماعي «فيس بوك»، رد الأزهر على إنكار الكاتب الصحفي إبراهيم عيسى للمعراج والذي جاء فيه أن الإسراء والمعراج «هي مسلمات لا تقبل الخوض فيها مطلقًا».
وعلق «درويش»، على رد الأزهر، قائلاُ: «الأزهر قال كلمته ونصر الحق ممكن مسمعش صوت معارض لو سمحتم لأن إحنا مرجعيتنا للأزهر وأنا ولا شيخ ولا حاجة أنا لسه بادئ انتظم في الصلاة من قريب وكان بعد مشكلة حصلتلي فا قربت من ربنا واعتذاري عن الفيلم جايلي في أصعب ظروف محدش عارف عنها حاجة محتاج ماديات فعلا».
وأضاف: «محتاج شغل لإني لسه في أول الطريق فا أكيد اعتذاري عنه كان على عيني بس ديني أهم وأنا لا غلطت في الأستاذ إبراهيم ولا غلطت في حد أنا بس أخدت قرار أدافع عن الصلاة اللي بصليها والإسلام اللي هو ديني ودين أمتي، ولو كان الأستاذ غلط في أي ديانة مسيحية أو غيرها كان هيبقى نفس موقفي».
وتابع: «أنا مسلم مؤمن بكل الرسل والديانات السماوية ومقبلش حد يشكك في الكتب السماوية وأسكت، نقفل الموضوع ده علشان أخد أكبر من حجمه».
كان الفنان مصطفى درويش قرر اعتذاره عن فيلم «الملحد»، لسببين، الأول أن مؤلف العمل هو الإعلامي والكاتب إبراهيم عيسى، والثاني بسبب تصريحاته بأنه يزعم أن قصة «المعراج» وهمية وفقا لكتب السيرة والتاريخ
وقال «درويش»، في منشور له عبر حسابه الرسمي بموقع التواصل الاجتماعي «فيس بوك»: «قررت أنا مصطفى درويش مقاطعة أي برنامج لـ إبراهيم عيسى، والاعتذار عن فيلم الملحد اللي صورت فيه 4 أيام بسبب إن مؤلف القصة هو إبراهيم عيسى لأن واضح إن الحرب دي ممنهجة، وأنا مقبلش أبدا أكون أداة للحرب ضد ديني ولو الثمن هيكون إيه، آسف جدا وبعتذر لكل فريق العمل مش هاكمل في القرف ده».
فيلم «الملحد» تأليف إبراهيم عيسى، إخراج محمد العدل، وبطولة النجوم: أحمد حاتم، حسين فهمي، محمود حميدة، شيرين رضا، صابرين، نجلاء بدر، تارا عماد، أحمد السلكاوي وغيرهم.
