حسين فهمي: تعرضت للكثير من الانتقادات ومفيد فوزى وصفني بالثلاجة الـ14 قدم

وتحدث النجم حسين فهمى، عن ترشحه لفيلم «خلى بالك من زوزو» خلال المؤتمر الصحفى المقام في طريق الكباش بمعبدالأقصر، موضحا: «كنت بصور في لبنان وراجع بليل، ومكنش فيه لسه كوبرى أكتوبر، كان في شارع رمسيس قبل بناء كوبرى أكتوبر، ولقيت أفيش مكتوب عليه خلى بالك من زوزو، بس كل حرف بلون واستغربت الاسم أوى، وكان في ساعتها صابون زوزو، ومبقتش فاهم ده ايه فيلم ولا ايه، وقولت بينى وبين نفسى يا سلام لو فيلم هيبقى لذيذ أوى اشتغل فيه، وأكون موجود في الفيلم».

وتابع حسين فهمى، في حديثه: «فات ٤ أيام لقيت تليفون بيقولولى: حسين محتاجينك في فيلم فيه سعاد حسنى قلتلهم عظيم، وقالى الفيلم اسمه خلى بالك من زوزو، أنا جالى ذهول».

وتابع «فهمى»: «تعرضت للكثير من الانتقادات خلال مشوراي الفني، خاصة بعدما فضلت التمثيل عن الإخراج، مشيرًا إلى أنه تعرض لهجوم كبير في هذا الوقت من الإعلامي مفيد فوزي وأحمد صالح».

وأضاف «فهمي»:«مفيش حد مكنش بيستلمني، وأنا بروح السينما القي الجمهور بيبقى مبسوط من الفيلم، كان كل يوم مفيد فوزي يكتب: حسين فهمي فنجان قهوة بارد في يوم ساقع«، وتابع:»الأسبوع اللي بعده حسين فهمي، تلاجة 14 قدم، فا أنا كنت لازم أثبت اني ممثل، وبدأت أخذ جوائز».
وفيما يخص رأيه في المهرجانات الفنية، أكد أنه من الممكن أن يصنع مهرجان سينمائي في أي مكان في العالم، بشرط أن نفكر خارج الصندوق، والمهرجان يجب أن يكون فيها شكل، زي مهرجان كوميدي، مهرجان رعب، وواحد صاحبي قالي عايز أعمال مهرجان سينما في الغردقة، قولت له لا، الغردقة، مينفعش فيها مهرجان سينما، أصلا في مهرجان في الجونة، فقولت له أعمال مهرجان سباق للمراكب، زي بره«.

وأضاف: «لازم نفكر خارج الصدنوق، ممكن يبقا في طنطا في مهرجان، أو بنها، أو أسيوط، بس مش ضروري أن الأفلام زي بعضها، إحنا لازم نفكر ونعمل مهرجانات، والمهرجانات لازم تكتر، لأن السينما عالم تاني خالص عالم جميل رائع»