السيسي: «فيلم الإرهاب والكباب خلى الدولة خصم مش المواطن اللي مش شغال»
متابعة/رضوى سمير
الرئيس السيسي يشهد فعالية المشروع القومي لتنمية الأسرة المصرية
قال الرئيس عبدالفتاح السيسي، إن المواطن حين حول الدولة لخصم «هدها»، وذلك خلال تعليقه على الوضع في الشارع المصري خلال احداث يناير 2011.
وأضاف السيسي في كلمته خلال إطلاق فعالية تنمية الأسرة المصرية: «بدل ما تجيب فيلم الارهاب والكباب وبتجيب المواطن بيتشكي وخلي البلد خصم، ومخلاش السلبية خصم، انت مفروض تخلي السلبية خصم، المواطن اللي مش شغال هو الخصم، البلد مش خصم، لما حولتها لخصم 2011 هدوها ولولا فضل الله علينا بلادنا مكنتش قامت تاني..اللي بيروح بيروح ميرجعش، ولكن الله افاض علينا، هل هنفضل زي ما احنا كده؟».
وقال السيسي: «أنا بقابل الناس في الشارع ومنهم سيدة مصرية، اللي قالت انا زعلانة منك انا عندي 6 عيال..طب أنا اعمل ايه؟ انا عندي 100 مليون، اعمل ايه؟ فانتي عندك 6 ومش قادرة، بقول كده لكل اللي سمعنا واللي بيقول أنتوا ليه مش بتدوا حقوق للناس، حقوق ايه انا مش لاقي اكل، ولا عارف أعلم،
ولا أعالج، ولا أسكن، اللي عايز يشوف يروح المرج والخصوص وشوفوا انا بشوف ايه لما بنزل اللي ممكن مش بيتذاع، أنا بقول لكل المسئوليين اللي في الجامعة، الاعلام، الصحة، التعليم، الجامع الكنيسية، انزلوا شوفوا البلد عاملة ازاي حقيقية، انزلوا المرج والمطرية، وشوفوا بنفسكم
