احدث الاخباراخبار مصرفنون و ترفيه
بعد أزمتهما.. مصطفى درويش يوضح حقيقة هجومه على شيرين رضا
متابعة/رضوى سمير
أوضح الفنان مصطفى درويش حقيقة هجومه على الفنانة شيرين رضا، بعد تصريحها بأنها «لا تعرفه»، مشيرا إلى أنه لا يقصد السخرية منها كما نشرت الصحف.
وكتب مصطفى درويش منشورا عبر صفحته الرسمية على موقع التواصل الاجتماعي «فيس بوك» قال فيه: «اللي بيحب يفهم بيفهم واللي بيحب يظيط بيظيط وخلاص أنا لا بسخر ولا أقدر أسخر من سن حد، أنا مش طفل، أنا كبير».
وتابع درويش: «فيه حاجة في الدنيا اسمها بتغلط في شخص بتقوله أنت كبير؟ مسمعتهاش قبل كده الصراحة، أنا بحترم كل الزملاء قدام أو جداد كلنا زملاء في شغل واحد، وأكيد بحترم الكبير قبل الصغير، اللي بيحترم نفسه فبيحترمه الناس، وأنا عمري ما غلط في زميل أو زميلة، ولا عمري أغلط».
وواصل: «أنا ممكن أزعل من موقف، بس أغلط فيه مش تربيتي، أغلط في حد في التليفون أو على فيس بوك؟ أروح أغلط في وشه واللي معاشرني عارفين عني ده، بس كده.. وده للتوضيح نقفل القصة الغريبة دي».
وسخر الفنان مصطفى درويش من تصريحات الفنانة شيرين رضا، التي أدلت بها في برومو برنامج «حبر سري» الذي يذاع على شاشة القاهرة والناس.
وقالت شيرين رضا ردًا على سؤال الإعلامية أسما إبراهيم حول رأيها في انسحاب مصطفى درويش من فيلم «الملحد» الذي كتبه الإعلامي إبراهيم عيسى، لترد شيرين: «انا ماعرفش الممثل ده بصراحة».
